Thư Viện Tin Lành: Trang Nhà » Sống Với Thánh Kinh » Ua Neej Nrog Vajlugkub: 27/11/2019

Ua Neej Nrog Vajlugkub: 27/11/2019


Ua Neej Nrog Vajlugkub: 27/11/2019

Yaunas 1:1-3
Ntawm Vajtswv Xub Ntaig

“Tsis txhob pe lwm tus vajtswv, tiamsis pe kuv tib leeg xwb.” (Khiavdim 20:3).

Nqe lus nug xav: Vajtswv hais kom tus cevlus Yaunas ua dabtsi thiab nws tau ua rov qab nyob li cas? Txhais lub ntsiab ntawm nqe lus ua tau hais mus hais los ntawm no? Yaunas tau ua txhaum dabtsi rau Vajtswv? Zaj kawm no qhuab ntuas peb txog yam dabtsi?

Phau ntawv Yaunas pib los ntawm qhov uas Vajtswv muab rau tus cevlus Yaunas ib teg haujlwm: mus rau pem lub nroog Nineves thiab qhia rau cov neeg ped txog lawv tej kev txhaum. Yaunas txais tes haujlwm no thiab nws tsis hais ib lo lus twg, tus cevlus Yaunas cia li tawm mus tamsis, tab sis nws tsis yog tawm mus cia ua Vajtswv tes haujlwm tiamsis tawm mus los ntawm qhov uas khiav nkaum Vajtswv.

Hauv peb nqe ntawm phau ntawv Yaunas, muaj ib nqe lus hais mus hais los uas peb yuav tsum tau ceevfaj, ntawd yog “ntawm Vajtswv xub ntiag”. Vim Vajtswv yog Ntsujplig, Nws nyob tsis muaj nrim los ntawm qhov uas qhov muag ntsia tsis pom li tibneeg, yog li ntawd nqe lus “ntawm Vajtswv xub ntiag” tsis hais txog ib thaj lossis ib qhov chaw tiamsis hais txog kev tshwm muaj ntawm Vajtswv thiab kev tswjhwm ntawm Nws. Vajtswv tswjhwm lub sijhawm dhau los ntawm keebkwm yog li ntawd Nws paub zoo txhua tes haujlwm li uas tab tom tshwm muaj ntawm Vajtswv xub ntiag. Vajtswv tshwm muaj nyob txhua qhov, yog li ntawd qhov twg kuj yog “ntawm Vajtswv xub ntiag.” Vajtswv ntuj tsis yog cov Yudais tus thawj mlom cia yuav nyob ib thaj, ib qhob chaw, ib lub tsev. Ib lub zej zos twg xwb; Nws yog Vajtswv ntawm lub qab ntuj, thiab kuj yog Vajtswv ntawm Nineves, txawm tias lawv tsis paub Nws.

Vim tsis paub Vajtswv yog li ntawd nroog Nineves tsis pehawm thiab ntseeg Nws. Lawv ua txhaum ntau yam; lawv kuj tsis paub hais tias Vajtswv pom lawv tej kev txhaum thiab Nws yuav txiav txim rau tej kev txhaum ntawd los ntawm qhov uas txaus ntshai kawg nkaus. Yaunas yog tus cevlus rau Vajtswv. Nws paub Vajtswv yog leej twg. Cevlus Yaunas tau ua txhaum thaum uas tsis ua raws li uas vajtswv samhwm kom nws ua. Nws paub Vajtswv tshwm muaj nyob tau txhua qhov; qhov twg kuj yog nyob “ntawm Vajtswv xub ntiag”, tiamsis nws tseem siv zog nrhiav ib qhov twg li los mus khiav nkaum “ntawm Vajtswv xub ntiag”. Tseeb tiag yog ib lub tswv yim uas ruam kawg nkaus, ib txojkev siv zog uas tsis muaj hauv paus ntsis.

Vim tsis paub Vajtswv, yog li ntawd lub ntiajteb tsis pehawm tus Tswv. Lub ntiajteb ua txhaum ntau qhov; lawv kuj tsis paub hais tias Vajtswv pom lawv tej kev txhaum thiab yuav txiav txim rau lawv tej kev txhaum los ntawm qhov uas tsaus ntshai kawg nkaus. Peb yog Vajtswv cov menyuam, peb paub Vajtswv yog leej twg, tiamsis kuj muaj ntau zaus uas peb tau ua txhaum thaum uas tsis mloog Vajtswv tej lus samhwm cia kom ua rau lub ntiajteb tsim deev los ntawm lawv tej kev txhaum. Peb paub Vajtswv yeej tshwm muaj nyob txhua qhov; qhov twg kuj yog “ntawm Vajtswv xub ntiag”, tiamsis peb kuj ziv zog nrhiav ib qhov twg li los mus khiav nkaum “ntawm Vajtswv xub ntiag”, peb tseem pheej nrhiav ib qhov twg li los mus kom khiav nkaum dim, ua kom theev Vajtswv tej lus samhwm uas Vajtswv kom peb ua.

Koj pom yus zoo thooj li tus cevlus Yaunas los ntawm qhov twg li?

Tus Tswv, thov pub kom kuv txawj ua lub neej zeem paub qhov yog los ntawm Vajtswv koj yog tus uas tshwm muaj nyob rau txhua qhov kom kuv lub neej qhia tawm qhov uas mloog koj lus txhua nrho.

Nyeem Vajlugkub hauv peb lub xyoo: Loos 13.

Xin vui lòng chuyển bài học Kinh Thánh để nhiều người cùng học.

Bài học Kinh Thánh này do Văn Phẩm Nguồn Sống biên soạn. Xin cầu nguyện và dâng hiến ủng hộ Văn Phẩm Nguồn Sống để đem Lời Chúa cho tất cả những người Việt thuộc mọi dân tộc đang sống rải rác khắp nơi trên thế giới.
Bạn có thể ủng hộ Văn Phẩm Nguồn Sống tại https://www.vpns.org

Thư Viện Tin Lành
www.thuvientinlanh.org

©2012-2019 by Thư Viện Tin Lành

Scroll to top