Thư Viện Tin Lành: Trang Nhà » Sống Với Thánh Kinh » Ua Neej Nrog Vajlugkub: 22/10/2019

Ua Neej Nrog Vajlugkub: 22/10/2019


Ua Neej Nrog Vajlugkub: 22/10/2019

IIVajntxwv 19:20-28
Vajtswv Yog Tus Tsom Kwm Peb

“Vajtswv yog tus uas niaj hnub tsom kwm nej, yog li ntawd nej cia li muab nej tej kev nyuaj siab huv tibsi tso npluav rau Vajtswv” (I Pestus 5:7)

Lus nug: Thaud vajntxwv Hexekiyas qhia txhua yam uas Vajntxwv Xenakhelis hem nws rau tus Tswv hauv lub Tuamtsev lawm, tus Tswv hais licas rau vajntxwv Xenakhelis (nqe 21-28)? Dhau ntawm tus Tswv tej lus teb, peb kawm tau yam dabtsi ntawm Nws?

Tom qab uas Vajntxwv Hexekiyas tham txhua yam uas Vajntxwv Xenakhelis hem nws rau tus Tswv hauv lub Tuamtsev lawm, tus Tswv tau siv Yaxaya uas yog tus cev Vajtswv lus hais Vajtswv tej lus rau rau Vajntxwv Hexekiyas. Feem xub thawj yog txij nqe 21-28 yog tus tswv tej lus teb rau Vajntxwv Xenakhelis.

Tus Tswv nug tias: Koj puas paub tias koj saib tsis taus leej twg thiab thuam leej twg? Twb yog koj saib tsis taus thiab thuam cov Yixalayees tus Vajtswv uas dawbhuv ntag. Koj txib koj cov tub xa xov tuaj hais lus saib tsis taus tus Tswv (nqe 22, 23a). Nqe 23 -24 rov hais txog tej lus uas vajntxwv Xenakhelis cov tub xa xov hais lus saib tsis taus tus Tswv. Tus Tswv xav qhia rau vajntxwv Xenakhelis paub tias thaum uas nws hem tus Tswv haiv neeg, thaum nws saib tsis taus tus Tswv haiv neeg, yog nws tab tom hem thiab ua saib tsis taus cov Yixalayees tus Vajtswv uas dawbhuv. Koj yuav tsum paub hais tias thaum koj chwv txog kuv cov neeg ces yog chwv kuv ntag. Nyob rau nqe 25-26 Vajtswv Txojlus qhia tias kev muaj yeej ntawm vajntxwv Xenakhelis yog Vajtswv npaj tseg cia mus li ntawd puag thaud ub los lawm. Vajtswv cia tshwm li ntawd tiam sis vajntxwv Xenakhelis xav tias yog nws ua tau. Nws tsis paub tias Vajtswv yog tus tswj txhua yam. Vajtswv yog tus tswj txhua yam huv si tsis hais yav tas los lossis nim no los yog yav tom ntej. Nqe 27,28 qhia tias vim lawv muaj kev khav theeb tus Tswv thiaj cia lawv mus txojkev qub uas thaum lawv tuaj.

Tus Tswv tej lus teb rau Vajtxwv Xenakhelis pab rau peb paub txog Vajtswv zoo. Ntau tug xav tias Vajtswv nyob puag saum ntuj Vajtswv yeej tsis txhawj txog Vajtswv cov menyuam nyob hauv ntiajteb no tiam sis qhov tseeb Vajtswv saib ntsoov Vajtswv cov menyuam. Xakhaliyas uas yog tus cev Vajtswv Txojlus hais tias: “Yog leej twg ntaus nej, ces yog nws ntaus kuv lub ntsiab muag ntag” (Xakhliya 2:8). Vajtswv tsis yog tsim lub ntiajteb thiab tib neeg tas ces Nws txawm tsis saib xyuas lawm, tiam sis Nws yeej niaj hnub tswj txhua yam thiab saib xyuas txhua yam. Txhua yam nyob hauv Vajtswv xibteg, txawm lub ntiaj teb yuav ntxeev nphau mus licas los peb yuabv tsum tso siab rau Vajtswv. Muab txhua yam kev nyuaj siab, teeb meem tham qhia rau tus Tswv vim Nws yog tus saib xyuas peb txhua tus, txhua lub sijhawm.

Vajtswv tau saib xyuas koj licas thaum koj ntsib teeb meem hauv koj lub neej?

Vajtswv kuv ua koj tsaug, uas koj niaj hnub saib xyuas kuv, tsom kwm kuv. Thov koj tuav kom kuv nyob ruaj hauv koj, kuv muaj kev thaj yeeb txawm lub sijhawm yuav hloov pauv txhua yam mus licas.

Nyeem Vajtswv Txojlus 3 xyoos: Cov Thawj Tswj 2

Xin vui lòng chuyển bài học Kinh Thánh để nhiều người cùng học.

Bài học Kinh Thánh này do Văn Phẩm Nguồn Sống biên soạn. Xin cầu nguyện và dâng hiến ủng hộ Văn Phẩm Nguồn Sống để đem Lời Chúa cho tất cả những người Việt thuộc mọi dân tộc đang sống rải rác khắp nơi trên thế giới.
Bạn có thể ủng hộ Văn Phẩm Nguồn Sống tại https://www.vpns.org

Thư Viện Tin Lành
www.thuvientinlanh.org

©2012-2019 by Thư Viện Tin Lành

Scroll to top