Thư Viện Tin Lành: Trang Nhà » Sống Với Thánh Kinh » Ua Neej Nrog Vajlugkub: 01/05/2019

Ua Neej Nrog Vajlugkub: 01/05/2019


Ua Neej Nrog Vajlugkub: 01/05/2019

1 Kaulithaus 3:16-20
Tibneeg Ntiajteb Lub Tswvyim

“Tej uas tibneeg ntiajteb suav hais tias yog kev txawj ntse, tej ntawd Vajtswv suav hais tias yog kev ruam” (nqi 19a).

Nqi lus nug xav:

Xibhwb Paulus rov hais kom cov ntseeg nco tias yus yog leej twg?

Vim li cas?

Nws siv ob nqi Vajluskub twg qhia txog neeg ntiajteb lub tswvyim?

Ua lub neej raws li tibneeg ntiajteb lub tswvyim yuav tau txais nqi zog dabtsi?

Zaj kawm no ntuas peb li cas txog lub neej ntseeg Vajtswv?

Tim thawj Paulus ntuas cov ntseeg nyob hauv lub nroog Kaulithaus kom lawv nco ntsoov hais tias lawv lub cev yog Vajtswv lub tuamtsev, thiab Vaj Ntsujplig nyob hauv txhua tus lub cev, yog li ntawd cov tibneeg muaj Vajtswv lub tswvyim yog lub tswvyim uas los ntawm Vaj Ntsujplig los. Tiamsis tibneeg ntiajteb lub tswvyim raws li Vajtswv mas yog kev ruam xwb. Yog li ntawd, neeg ntiajteb lub tswvvyim yog dabtsi? Ua ntej Tim thawj Paulus rho hauv Yauj 5:13 coj los qhia hais tias, neeg ntiajteb tiam no tej tswvyim yog kev dag ntxias lwm tus kom muaj nqis rau yus tus kheej xwb. Cov neeg zoo li no muaj cuab kav dag ntxias tau lwm tus tiamsis nws tsis paub hais tias Vajtswv yuav ua kom lawv rov mag lawv lub voj hluas uas lawv muab cuab lwm tus (Nqi 19). Yam thib ob, Tim thawj Paulus rho hauv Phau Ntawv Nkauj 94:4 qhia hais tias Vajtswv yeej paub meej cov neeg tiam no tej tswv yim, tej kev dag ntxias; tej ntawd tsis muaj qab hau dabtsi li (nqi 20). Yog li ntawd, cov neeg muaj tswvyim raws li neeg ntiajteb tiam no mas lawv xav hais tias lawv ntse tshaj lwm tus. Lawv xav txog lawv tus kheej xwb, lawv ua txhua yam kom muaj nqis rau lawv; lawv tsis xav saib yam uas lawv ua ntawd puas muaj qab hau rau lwm tus, lawv txaus siab hlo caij tsuj lwm tus kom lawv sawv taus, lawv txaus siab hlo ua phem rau lwm tus kom muaj nqis rau lawv, lawv txaus siab hlo muab lwm tus txojsia los pauv yam muaj nqis rau lawv tus kheej .

Yam uas txaus tu siab heev uas yog cov ntseeg nyob hauv lub nroog Kaulithaus khav hais tias lawv yog cov ntseeg Yexus tiamsis lawv ua lawv lub neej raws li tibneeg lub siab nyiam xwb, lawv tsis nrhiav tswvyim ntawm Vaj Ntsujplig tiamsis ho nrhiav kev tej tswvyim hauv ntiajteb no xwb. Lawv xav hais tias lawv ua lub neej li ntawd ces lawv yog neeg muaj tswvyim tiamsis Vajtswv hais tias lawv yog neeg ruam xwb. Lawv xav hais tias tej uas lawv ua ntawd Vajtswv tsis paub tiamsis Vajtswv paub tagnrho txhua yam. Lawv xav hais tias lawv ua li ntawd yog ua tau kawg li lawm tiamsis Vajtswv hais tias lawv yuav puas tsuaj ntag rau qhov lawv yuav rov mag lawv lub voj hluas.

Lawv xav hais tias ua lub neej li ntawd muaj qab hau kawg tiamsis Vajtswv hais tias tsis muaj qab hau dabtsi li. Qhov no yog cov lus ntuas rau peb kev ua neej nyob rau niajhnub nimno.

Tshawb xyuas nej lub neej yav dhau los lawm saib nyob rau hauv pawg ntseeg nej puas siv tej tswvyim raws li neeg ntiajteb los ua neej? Nej yuav tsum hloov yam dabtsi?

Tus Tswv, thov koj zam txim rau me yau rau qhov muaj ntau zaug me yau tseem siv neeg ntiajteb tej tswvyyim los ua neej rau hauv pawg ntseeg. Thov koj pab kom me yau txo hwjchim mloog Vaj Ntsujplig lus kom me yau ua tau lub neej muaj tus Tswv txojkev lub tswvyim.

Nyeem Vajluskub hauv peb lub xyoo: Mathais 25.

Xin vui lòng chuyển bài học Kinh Thánh để nhiều người cùng học.

Bài học Kinh Thánh này do Văn Phẩm Nguồn Sống biên soạn. Xin cầu nguyện và dâng hiến ủng hộ Văn Phẩm Nguồn Sống để đem Lời Chúa cho tất cả những người Việt thuộc mọi dân tộc đang sống rải rác khắp nơi trên thế giới.
Bạn có thể ủng hộ Văn Phẩm Nguồn Sống tại https://www.vpns.org

Thư Viện Tin Lành
www.thuvientinlanh.org

©2012-2019 by Thư Viện Tin Lành

Scroll to top