Thư Viện Tin Lành: Trang Nhà » Sống Với Thánh Kinh » Ua Neej Nrog Vajlugkub: 20/04/2019

Ua Neej Nrog Vajlugkub: 20/04/2019


Ua Neej Nrog Vajlugkub: 20/04/2019

2 Vajntxwv 8:7-15
Muaj Txojkev Hlub Thiab Hais Lus Tseeb

“Peb tsis txhob ua li lawv, peb yuav tsum muaj txojkev hlub thiab hais lus tseeb, peb thiaj yuav ua tau lub neej zoo rau txhua fab li Yexus Khetos uas yog lub taub hau” (Efexus 4:15).

Nqe lus nug xav: Thaum Vajntxwv Npeehadas raug mob, nws ua dabtsi? Elisas hais li cas txog vajntxwv tug mob? Haxayees rov los hais li cas rau vajntxwv, thiab nws ua dabtsi? Zaj no qhia hais tias Haxayees yog tus muaj lub siab li cas?

Npeehadas ua vajntxwv kav tebchaws Xilias uas yog lwm haiv neeg tiamsis thaum nws raug mob hnyav, nws txib neeg tuaj kom Elisas thov Vajtswv pab kho nws tus mob. Vajntxwv txib Haxayees uas yog vajntxwv ib tus nom, coj khoom muaj nqis thiab kom Haxayees hais tej lus mos muag, lus zoo rau Elisas xws li: “koj tus tubtxib” tiamsis Elisas tsis kam txais yuav cov khoom ntawd. Nws hais rau Haxayees hais tias vajntxwv yuav tsis tuag yog vim mob nkees tiamsis yuav tuag yog vim lwm yam (nqe 10). Elisas ruaj rau Haxayees txojkev phem uas nws ua rau haiv neeg Yixalayees thiab nws tus vajntxwv Npehadas. Haxayees ua li tus txo hwjchim kawg nkaus rau Elisas, nws piv nws zoo li tus dev xwb (nqe13), tiamsis thaum rov qab los txog tsev lawm nws hais qhia tsis tag rau vajntxwv, nws tsuas hais tias vajntxwv yuav zoo xwb (nqe 14), hnub tom qab ua tus neeg phem tua vajntxwv kom tau los hloov vajntxwv lub meej mom.

Txawm tias keeb kwm ntawm tibneeg yog Vajtswv ua tus tswj los Haxayees lub siab phem ntawd yeej tsis muaj twg yuav txaus siab tau. Nws yog tus uas vajntxwv tso siab tau thiab pub ua nom ua tswv tiamsis nws tsis paub nco vajntxwv tshav ntuj tsuas npaj siab nrhiav kev tua vajntxwv kom tau vajntxwv lub meej mom xwb. Nws yog tus neeg phem kawg nkaus li (nqe 12) tiamsis nws lub ntsej muag ua txuj li tus neeg zoo thiab txo hwjchim heev (nqe 13). Thaum los txog tsev nws dag vajntxwv yam tsis muaj twg paub li, nws tsuas qhia ib nrab ntawm cov lus tseeb xwb (nqe14). Thaum ib tus neeg ntshaw meej mom, ua nom ua tswv ces yuav ua neeg hais lus dag, dag ntxias lwm tus kom ncav cuag nws lub homphiaj phem xwb. Tiamsis Tus Tswv xav kom cov neeg uas ntseeg Nws ua li no “Peb tsis txhob ua li lawv, peb yuav tsum muaj txojkev hlub thiab hais lus tseeb, peb thiaj yuav ua tau lub neej zoo rau txhua fab li Yexus Khetos uas yog lub taub hau” (Efexus 4:15).

Yuav ua li cas koj thiaj li muaj kev hlub lwm tus thiab hais lus tseeb xwb?

Tus Tswv, thov koj coj me yau txoj hau kev thiab qhia kom me yau muaj lub ncaj ncees thiab hais lo lus tseeb txhawb lwm tus zog.

Nyeem Vajluskub hauv peb lub xyoo Mathais 14.

Xin vui lòng chuyển bài học Kinh Thánh để nhiều người cùng học.

Bài học Kinh Thánh này do Văn Phẩm Nguồn Sống biên soạn. Xin cầu nguyện và dâng hiến ủng hộ Văn Phẩm Nguồn Sống để đem Lời Chúa cho tất cả những người Việt thuộc mọi dân tộc đang sống rải rác khắp nơi trên thế giới.
Bạn có thể ủng hộ Văn Phẩm Nguồn Sống tại https://www.vpns.org

Thư Viện Tin Lành
www.thuvientinlanh.org

©2012-2019 by Thư Viện Tin Lành

Scroll to top