Ua Neej Nrog Vajlugkub: 01/04/2019

Ua Neej Nrog Vajlugkub: 01/04/2019

Yauhas 18:12-27
Lub Homphiaj Phem Ntawm Rooj Txiav Txim Tsis Raws Txoj Cai

“Lawv xub coj Yexus mus cuag Anas uas yog Kaiyafas yawm txiv, xyoo ntawd Kaiyafas yog tus povthawj Hlob” (Nqi 13).

Nqi lus nug xav: Tus Tswv raug luas ntes thiab khi coj mus cuag leej twg? Yam twg qhia hais tias Anas tu plaub tsis raws txoj cai? Lub homphiaj phem ntawm rooj txiav txim tsis raws cai yog dabtsi?

Thaum ib tag hmo luag tuaj ntes thiab muab Tswv Yexus khi coj mus cuag Anas uas yog Kaiyafas yawm txiv ua ntej kom Anas taug Yexus zaj, lub sijhawm no Kayafas ua tus Povthawj Hlob (nqi 12, 13), tomqab ntawd luag thiaj coj Tus Tswv mus cuag Kaiyafas (nqi 24).

Peb pom tias Anas txiav txim rau Tus Tswv yam tsis raws cai kiag li vim tias:

Thib ib, nws taug Tus Tswv zaj thaum ib tag hmo thiab tsis muaj ib tus neeg twg ua tim khawv raws li nomtswv txojcai li. Thib ob, Anas tsis yog tus povthawj hlob uas yuav tau cai los txiav txim rau lwm tus. Thib peb, thaum tabtom taug Tus Tswv zaj, nws cia nws cov tubtxib nplawm Tus Tswv yam tsis raws cai.

Yog vim li cas Anas txhob txwm txiav txim rau Tus Tswv ua ntej yuav mus rau hauv tsev tu plaub ntug? Nws muaj homphiaj dabtsi? Anas ua tus pov thawj hlob txij xyoo 6 T.Y txog xyoo 15 T.Y ces raug nomtswv Loos rhuav nws lub meej mom. Tomqab ntawd, nws tus vauv uas yog Kaiyafas tau los ua tus pov thawj hlob. Raws li cov neeg Yudais txoj cai mas lub meej mom pov thawj hlob yog ib lub meej mom uas yog leej twg tau los tuav mas yeej yuav tuav mus tag nws sim neej xwb, yog vim li no txawm yog tias Anas twb raug rhuav meej mom lawm los tej pej xeem hu nws ua tus pov thawj hlob. Ib qhov ntxiv mas vim nws yog Kayaifas yawm txiv uas yog ib tsev neeg muaj hwjchim heev. Anas thiab Kayafais tsev neeg yog cov uas txhawb lwm tus muab lub tuamtsev los ua qhov chaw ua lag luam tiamsis raug Tswv Yexus muab cov neeg ua lag luam ntawd ntiab tawm hauv lub tuam tsev mus. Yog vim li no, nws thiaj li ntxub Tus Tswv heev thiab xav nrhiav txoj hau kev muab Tus Tswv tua pov tseg ua ntej ua kev cai hla dhau. Yog li ntawd, Anas lub homphiaj phem ntawm rooj txiav txim tsis raws cai zaum no yog xav muab Tus Tswv tua pov tseg xwb. Anas xav tua Tswv Yexus pov tseg vim Tus Tswv los cuam tshuam nws thiab nws tsev neeg hnab nyiaj thiab tej yam uas yog ua tub sab los xwb.

Thaum ib tus thawjcoj poob rau txojkev txhaum lawm nws yeej txaus siab hlo muab lwm tua pov tseg yog tias tus ntawd tawm tsam nws, tshwj xeeb yog siv tej lub tswvyim phem coj los tua tus neeg uas rho yug tej kev txhaum tawm los. Tswv Yexus nqes saum ntuj los tuag theej peb lub txhoj kom peb tau Vajtswv suav hais tias ncaj ncees tiamsis tseem tshuav coob leej ntau tus muaj lub siab tawv thiab taug txoj kev phem. Koj puas txaus siab hlo tiv kev txomnyem rau txojkev ncaj ncees?

Tus Tswv, me yau ua koj tsaug vim koj hlub me yau koj thiaj raug tsimtxom thiab tuag theej me yau lub txhoj. Me yau zoo siab hlub koj thiaj ua lub neej ncaj ncees pub rau koj.

Nyeem Vajluskub hauv peb lub xyoo: Khiav Dim 38.

Xin vui lòng chuyển bài học Kinh Thánh để nhiều người cùng học.

Bài học Kinh Thánh này do Văn Phẩm Nguồn Sống biên soạn. Xin cầu nguyện và dâng hiến ủng hộ Văn Phẩm Nguồn Sống để đem Lời Chúa cho tất cả những người Việt thuộc mọi dân tộc đang sống rải rác khắp nơi trên thế giới.
Bạn có thể ủng hộ Văn Phẩm Nguồn Sống tại https://www.vpns.org

Thư Viện Tin Lành
www.thuvientinlanh.org