Thư Viện Tin Lành: Trang Nhà » Sống Với Thánh Kinh » Ziangh Ei Ging-sou: 22/06/2019

Ziangh Ei Ging-sou: 22/06/2019


Ziangh Ei Ging-sou: 22/06/2019

2 Hungh Douh 10:28-36
Maiv Longc Nzengc Hnyouv Muangx Ei

“Ziouv gorngv mbuox Ye^hu, “Weic zuqc meih zoux longx, ziux yie mangc zoux horpc yie nyei hnyouv, yaac ei jienv yie nyei hnyouv zoux bun Aa^hapc nyei douh zong, yie ziouc bun meih nyei fun-faqv nzipc jienv zoux hungh zueiz I^saa^laa^en nyei weic taux da’feix doic.” (2 Hungh Douh 10:30).

Waac naaic bun meih hnamv: Meih buatc Ye^hu hungh hnangv haaix nor? Se longx nyei hungh fai hnyouv waaic nyei hungh? Weic haaix diuc Tin-Hungh longc Ye^hu hungh nyei buoz? Yiem Ye^hu hungh nyei maengc ninh zuqc suei haaix nyungc hlo jiex? Cuotv daaih nyei biouv se haaix nyungc? Ih zanc hnoi, hnangv haaix nor zoux cingx daaih haih hiuv Ziouv nyei eix bun meih muangx ei?

Mbuo buatc Ye^hu hungh zoux nyei yietc zungv sic yiem 9-10 zaang, ninh se yietc dauh maiv benx nyei hungh. Ninh maaih gorngv baeqc nyei sic, gorngv zien nyei jauv maiv liuz (gorngv zien yietc buonc) dongh zoux yietc nyungc gong. Weic bun ganh nyei hungh weic wuonv, ninh ziouc zaqc buoz daix guangc dongh ninh gamh nziex aengx haih mbienv hnyouv doix-dekc ninh wuov deix. Maiv gunv ninh duqv zipv nyei gong-buonc se Tin-Hungh daaih weic mietc nzengc zuiz caux Mbaa^an zienh, mv baac weic oix zoux duqv ziangx naaic nyungc gong, ninh ziouc maiv gunv taux maiv gunv longc waaic haic nyei za’eix. Cuotv liuz Ye^hu mietc nzengc Mbaa^an zienh mv baac ninh corc liouh jienv jiem-ngongh dorn dongh Ne^mbatc nyei dorn, Ye^lo^mbo^an, zoux daaih yiem Mbetc^en caux Ndaan wuov (1 Hungh Douh 12:28-30). Mv baac ninh za’gengh ei jienv Ziouv nyei waac mietc nzengc Aa^hapc nyei cien-ceqv caux Mbaa^an zienh hnangv Ziouv mbuox nyei waac, liuz Ziouv ziouc nyiemc gorngv ninh hnangv naaiv: “Ye^hu maiv faix fim longc nzengc hnyouv gan longx Ziouv, I^saa^laa^en Mienh nyei Tin-Hungh nyei leiz-latc (31 yiemc). Hnangv Tin-Hungh ziouc bun Ye^hu hungh nyei fun-faqv nzipc jienv zoux hungh zueiz I^saa^laa^en nyei weic taux da’feix doic. Lengc jeiv yiem Ye^hu hungh gunv nyei ziangh hoc, Ziouv zoux bun I^saa^laa^en deic-bung hepv jienv njiec. Haa^saa^en mborqv hingh gormx I^saa^laa^en deic-bung (32-33 yiemc).

Jiex daaih mbuo buatc Ziouv longc Ye^hu zoux hungh gunv I^saa^laa^en deic-bung 28 hnyangx, caux bun ninh nyei douh zong fun-fuqv nzipc jienv duqv zoux hungh taux da’feix doic, bun mbuo buatc gorngv maiv zeiz Ye^hu hungh zoux duqv horpc Ziouv cingx daaih longc zoux hungh, mv baac Ziouv longc Ye^hu ei Ninh nyei eix weic zoux ziangx Ninh nyei gong maiv paanx taux Ye^hu se longx nyei mienh fai waaic nyei mienh. Maaih camv nyei mbuo duqv Ziouv longc zoux gong laac duqv mbuo gauh longx ganh dauh, mbuo gauh zoux duqv ganh dauh ziangx naaic maiv buatc Ziouv nyei en bun taux ganh hnangv mbuo nor. Ziouv nyei oix se oix mbuo mouz dauh faix fim longc nzengc hnyouv gan longx Ziouv nyei leiz-latc (31 yiemc). Ih jaax hnoi, mbuo maaih Ziouv nyei waac yiem hnyouv, dongh mbuo longc nzengc hnyouv zoux ei Ziouv nyei waac nor, Ninh ziouc mborqv njaaux mbuo, dorh mbuo hnoi-hnoi zuangv jienv Ziouv mingh, mbuo nyei maengc ziouc bun Ziouv maaih lamh longc. Daaux nzuonx, se gorngv mbuo maiv faix fim longc nzengc hnyouv gan longx Ziouv nyei waac, dongh Ninh longc liuz mbuo, Ziouv ziouc oix maaih dingc zuiz hniev nyei bun mbuo.

Ziouv longc meih zoux haaix nyungc gong? Meih hnangv haaix nor faix fim longc nzengc hnyouv gan longx Ziouv?

O Ziouv aac, zongc zingh Ziouv camv haic, weic zuqc yie nyei maengc corc maaih zuiz camv, mv baac Ziouv corc longc yie zoux meih nyei gong. Tov Ziouv bun yie zanc-zanc buatc Ziouv nyei njoux en, weic bun yie hnyouv mau daaih faix fim longc nzengc hnyouv gan longx Ziouv meih nyei leiz-latc yiem mouz hnoi.

Longc buo hnyangx doqc Ging-sou: Saauv Mienh 13 zaang.

Xin vui lòng chuyển bài học Kinh Thánh để nhiều người cùng học.

Bài học Kinh Thánh này do Văn Phẩm Nguồn Sống biên soạn. Xin cầu nguyện cho Văn Phẩm Nguồn Sống. Nếu có thể được, xin vui lòng dâng hiến cho Văn Phẩm Nguồn Sống tại http://www.vpns.org

Thư Viện Tin Lành
www.thuvientinlanh.org

©2012-2019 by Thư Viện Tin Lành