Thư Viện Tin Lành: Trang Nhà » Sống Với Thánh Kinh » Ziangh Ei Ging-sou: 03/06/2019

Ziangh Ei Ging-sou: 03/06/2019


Ziangh Ei Ging-sou: 03/06/2019

Yaagorpc 2:1-4
Maiv Dungx Mangc Haaix Dauh Nyei Hnien

“Yie nyei gorx-youz aah! Meih mbuo sienx kaux mbuo njang-laangc nyei Ziouv, Ziouv Yesu Giduc. Weic naaiv maiv dungx mangc haaix dauh nyei hmien” (Yaagorpc 2:1).

Waac naaic bun meih hnamv: Yaagorpc longc haaix nyungc waac-fangx gorngv njaaux taux haaix nyungc mbuo? Maiv dungx mangc haaix dauh nyei hmien se haaix nyungc? Weic haaix diuc mbuo Giduc mienh maiv horpc zuqc hnangv naaic nor zoux? Mbuo hnangv haaix nor zoux cingx daaih haih doix duqv jiex mbuo se gorx-youz yiem Ziouv nyei mbuox?

Mangc hmien nyei jauv se yietc nyungc zoux nyei sic camv jiex yiem gitv gitv lungh ndiev. Liemh Ziouv nyei jiu-baang zinh ndaangc taux ih zanc naaiv deix jauv za’gengh maaih camv. Weic njaaux Ziouv nyei naamh nyouz maiv dungx mangc haaix dauh nyei hmien, Yaagorpc longc yietc nyungc waac-fangx zuoc nyei njaaux mbuo.

Yiem jiu-baang gapv zunv nyei ziangh hoc, maaih mienh mingh mingh daaih daaih, bieqc bieqc cuotv cuotv, haaix dauh zuqv lui-houx longx wuov deix ziouc duqv mienh camv heuc faaux zueiz longx fai yauc nyei dorngx, daux nzuonx dongh zuqv lui-houx maiv benx wuov deix (lui-houv loz fai huv) ziouc maaih mienh gorngv souv jienv naaic ndaangc, aqv fai zueiz njiec ndaau. Yaagorpc gorngv hnangv naaic se meih mbuo mangc butv-zoih mienh nyei hmien, zoux maiv benx bun fai maiv mangc mienh jomc mienh nyei hmien.

“Mangc zorng zuqv nyei jauv zoux sic” aqv fai mangc ganh dauh maiv faaux mueic se zoux benx ceng hlo, jiex ganh dauh nyei hmienh, fai zoux longx bun gauh dauh weic ninh butv-zoih fai gauh maaih lingc nyei mienh se maiv horpc. Yaagorpc gorngv yiem 1 yiemc “njoux Ziouv Yesu dongh mbuo bungx hnyouv wuov dauh Ninh maiv mangc haaix dauh nyei hmien”, za’gengh zien hnangv naaic liemh maiv sienx Ninh nyei mienh yaac nyiemc gorngv hnangv naaic: “Yie mbuo hiuv duqv.. Meih yaac maiv mangc haaix dauh nyei hmien weic zuqc meih maiv mangc haaix dauh zoux hlo fai faix” (Matv^taai 22:16); Ninh yaac dongh njang-laangc wuov dauh, Ninh yaac oix ceix njang-laangc bun yietc zungv dongh maiv mangc haaix dauh nyei hmien wuov deix daaih dongh diuc hnyouv (Yo^han 17:22). Hnangv naaic, Yaagorpc oix mbuo dauh dauh ei Ziouv Yesu nyei zaux-mbiec yangh, maiv dungx mangc haaix dauh nyei hmien weic zuqc mbuo lomh nzoih sienx Ziouv Yesu nyei mienh, se dongh maaih njang-laangc wuov dauh Ziouv caux mbuo yietc zungv yaac duqv zipv naaiv nyungc njang-laangc fih hnangv nyei.

Dongh mbuo mangc hmien buatc ninh nyei nyaanh mbuoqc zungx, fai zuqv lui-houx jaaix, maaih jiem-buoz-ndoqv-nzaeng… ziouc nyomc wuov dauh aqv (4 yiemc), hnangv naaic ziouc cuotv bun nqoi zoux ziex guanh, naaiv guanh ki wuov guanh, naaiv guanh gorngv wuov guanh naaiv se ei baamh mienh nyei hnyouv siemv hnangv se maiv zeiz yiem maaih njang-laangc wuov dauh Ziouv Yesu daaih. Kungx dongh haaix zanc longc lingh wuonh nyei m’zing mangc buatc jomc fai butv-zoih yaac buatc fih hnangv, haaix dauh yaac buatc Ziouv nyei njang-laangc buangv fih hnangv nzengc nor, mbuo cingx daaih laanh zoux laanh hnangv mbuo nyei gorx-youz yiem Ziouv Yesu.

Dongh meih mangc yietc laanh Giduc mienh, meih buatc longc jienv yiem ninh nyei zorng-zuqv fai longc jienv yiem ninh hinc sienx fim nyei jauv?

Ziouv aac, tov Ziouv bun yie mangc buatc Ziouv nyei njang-laangc bun taux dauh dauh weic zuqc meih maiv mangc haaix dauh nyei hmien. Tov Ziouv yaac bun yie nyei maengc yaac fih hnangv maiv mangc taux ganh dauh nyei ga’nyiec beih, bun yie caux gorx-youz laanh caux laanh dongh diuc hnyouv nyei yiem horpc meih.

Longc buo hnyangx doqc Ging-sou: Lewi 26 zaang.

Xin vui lòng chuyển bài học Kinh Thánh để nhiều người cùng học.

Bài học Kinh Thánh này do Văn Phẩm Nguồn Sống biên soạn. Xin cầu nguyện cho Văn Phẩm Nguồn Sống. Nếu có thể được, xin vui lòng dâng hiến cho Văn Phẩm Nguồn Sống tại http://www.vpns.org

Thư Viện Tin Lành
www.thuvientinlanh.org

©2012-2019 by Thư Viện Tin Lành

Scroll to top