Thư Viện Tin Lành: Trang Nhà » Sống Với Thánh Kinh » Ziangh Ei Ging-sou: 26/05/2019

Ziangh Ei Ging-sou: 26/05/2019


Ziangh Ei Ging-sou: 26/05/2019

Yo^han 1:14
Doz Benx Dauh Baamh Mienh

“Doz benx dauh baamh mienh yiem mbuo mbu’ndongx. Ninh maaih en-ceix caux zien leiz buangv nzengc. Yie mbuo duqv buatc ninh nyei njang-laangc, se weic zuqc ninh zoux Zaangc Diex nyei ndoqc Dorn duqv daaih nyei njang-laangc.” (Yo^han 1:14)

Waac naaic bun meih hnamv: Doz benx dauh baamh mienh maaih haaix nyungc eix leiz? Yesu cuotv seix benx mienh hnangv caux meih hnangv haaix nyungc mbuo? “Ndoqc Dorn” wuov joux waac maaih haaix nyungc eix leiz? Meih hnangv haaix nor zoux cingx daaih haih mangc duqv njoux Ziouv Yesu nyei njang-laangc?

Ei jan-zei maaih diuh gouv gorngv maaih dauh fin-mienh m’gux hinc yangh cuotv zoux mienh daaih seix mienh nyei hnyouv. Yiem naaic diuh maiv maaih zien nyei gouv, naaic dauh fin-mienh m’gux zoux jaav ninh ngorc kouv maiv maaih lui-houx zuqv mv baac ninh zoux dauh fin-mienh m’gux, caux naaiv dauh fin-mienh m’gux maiv haih ngorc fai maiv maaih lui-houx zuqv. Ih zanc mbuo daux nzuonx hoqc nyei jauv. Doz se maiv hnangv naaic nor. Gong-zoh Yo^han biux mengh Doz benx dauh baamh mienh, Ziouv Yesu za’gengh benx mienh hnangv mbuo nor ziangh yiem naaiv baamh gen. Naaiv se Ninh zorqv baamh mienh nyei fangx ziangh (sự nhập thể), Doz se Tin-Hungh dongh cor maiv gaengh zeix lungh ndau wuov Ninh zungv yiem ndangc (1 yiemc), mv baac taux ziangh hoc Ninh zuqc cuotv seix benx dauh baamh mienh, Ninh gengh maaih orqv maaih sin hnangv nzengc mbuo nor. Mv baac Ninh maiv doix mbuo se yiem Ninh maaih hnamv hnangv mbuo baamh mienh (nhân tính) caux Ninh aengx maaih yiem Tin-Hungh daaih nyei hnamv (thần tính), hnangv naaic Gong-zoh Yo^han cingx daaih gorngv Ninh maaih en-ceix caux zien leiz buangv nzengc, buangv nzengc Zaangc Diex nyei ndoqc dorn duqv daaih nyei njang-laangc. “Ndoqc Dorn” wuov joux waac nyei eix leiz se kungx Ninh ganh hnangv njiec baamh gen daaih cuotv seix benx dauh baamh mienh caux kungx Ninh ganh hnangv maaih hnamv hnangv Tin-Hungh, weic zuqc Ninh caux Tin-Hungh yiem Ninh yaac dongh Tin-Hungh. Njoux Ziouv Yesu se Doz, biux mengh Tin-Hungh nyei fangx-zeiv yiem baamh gen. Ei mbuo baamh mienh nyei hnamv yiem zinh ndaangc taux ih zanc, Tin-Hungh benx dauh mienh, dongh yietc liuz yiem wuov dauh benx dauh baamh mienh yiem baamh gen maaih ziangh hoc, dongh zeix lungh ndiev maanc muotc wuov dauh benx dauh baamh mienh bun mbuo haih mangc duqv buatc, naaiv se yietc nyungc mbuoqc horngh nyei sic, mv baac naaiv yaac za’gengh maaih cuotv daaih miaqv.

Doz se Tin-Hungh, ei mbuo zuiz mienh nor Ninh benx yiem hlang jiex cing-nzengc jiex nyei Tin-Hungh, mv baac Ninh laengz cuotv seix benx dauh baamh mienh yiem mbuo mbu’ndongx, benx mbuo nitv doic haic nyei mienh. Doz gengh maaih njang-laangc haic, Ninh yaac gengh nitv mbuo fatv haic (thật gần gũi), hnangv naaic mbuo maiv maaih haaix dauh haih gorngv Ninh leih duqv mbuo go, mbuo maiv haih caux Ninh jiu-tong duqv; caux maiv dungx hnamv gorngv Ninh nitv mbuo fatv haic ziouc mangc piex Ninh zoux nyei gong bun mbuo. Oix zuqc jangx jienv kungx haaix dauh sienx kaux Ziouv Yesu caux yaac

Ziangh seix yiem puix Ninh, kaux bangc Ninh cingx daaih haih duqv buatc Ninh njang-laangc, se yiem Zaangc Diex daaih nyei njang-laangc.

“Doz benx dauh baamh mienh” maaih haaix nyungc eix leiz yiem meih nyei maengc? Yiem meih nyei maengc niv? Maaih hnangv haaix nor zunh “Doz benx dauh baamh mienh” nyei fienx?

O Ziouv Yesu aac meih se Doz benx dauh baamh mienh weic siev maengc zuoqc yie nzuonx daaih. Tov Ziouv bun yie hiuv duqv meih nyei en-zingh, zunh meih nyei njien-youh fienx bun camv mienh duqv haiz.

Longc buo hnyangx doqc Ging-sou: Lewi 18 zaang

Xin vui lòng chuyển bài học Kinh Thánh để nhiều người cùng học.

Bài học Kinh Thánh này do Văn Phẩm Nguồn Sống biên soạn. Xin cầu nguyện cho Văn Phẩm Nguồn Sống. Nếu có thể được, xin vui lòng dâng hiến cho Văn Phẩm Nguồn Sống tại http://www.vpns.org

Thư Viện Tin Lành
www.thuvientinlanh.org

©2012-2019 by Thư Viện Tin Lành

Scroll to top