Thư Viện Tin Lành: Trang Nhà » Sống Với Thánh Kinh » Ziangh Ei Ging-sou: 18/05/2019

Ziangh Ei Ging-sou: 18/05/2019


Ziangh Ei Ging-sou: 18/05/2019

2 Hungh Douh 9:1-13
Baengh Fim Nyei Jauv Duqv Gorngv Cuotv

“Meih oix zuqc mietc nzengc meih nyei ziouv, Aa^hapc, nyei zeiv-fun. Yie ziouc jaauv win bun Ye^se^mben weic ninh daix yie nyei bou, zuangx douc waac mienh, caux Ziouv nyei yietc zungv bou liouc cuotv nyei nziaamv.” (2 Hungh Douh 9:7)

Waac naaic bun meih hnamv: Wuov dauh douc waac mienh lunx (E^li^saa nyei horqc saeng) mingh lorz caux longc youh orn haaix dauh zoux hungh? Caux naaiv dauh horqc saeng duqv E^li^saa hnangv haaix nor jaa waac? Weic haaix diuc Ziouv gorngv mbuox E^li^saa hnangv naaic? Naaiv zaang hoqc nyei jauv tengx duqv haaix nyungc meih?

Ih hnoi hoqc nyei jauv se aengx daux nzuonx mingh gorngv deix Baqc bung nyei I^laa^en guoqv, douc waac mienh E^li^saa paaiv dauh ninh nyei horqc saeng mingh Laamotv Gi^le^aatc lorz caux longc youh orn Ye^hu zoux I^saa^laa^en mienh nyei hungh, caux aengx jaax waac mbuox naaiv dauh horqc saeng mbuo Ye^hu oix zuqc zoux nyei, se oix zuqc oix zuqc mietc nzengc meih nyei ziouv, Aa^hapc, nyei zeiv-fun; jaauv win bun Ye^se^mben caux Ye^se^mben yiem Yitv^le^en Deic oix zuqc juv nyanc, maiv maaih haaix dauh biopv ninh. Ye^hu cuotv daaih nzuonx taux ninh nyei ziouv nyei baeng-guanh wuov zanc, Ye^hu gorngv mbuox nzengc wuov dauh douc mienh lunx longc youh orn ninh zoux hungh gunv I^saa^laa^en Mienh, Ninh mbuo siepv-siepv nyei jaiv domh lui dimc jienv tei bun Ye^hu souv gu’nguaaic. Ninh mbuo ziouc biomv jorng yaac heuc jienv gorngv, “Ye^hu zoux hungh.”

Ei douh zong bun hiuv gorngv Aa^hapc hungh gunv I^saa^laa^en Mienh mv baac ei hungh maac Ye^se^mben nyei za’eix gunv. Weic zuqc naaiv dauh hungh maac se ganh fingx janx hnangv naaic ninh ziouc zoux bun Aa^hapc hungh caux Aa^hapc hungh nyei guoqv zaangc Mbaa^an zienh caux Atc^taa^lotv zienh, ninh mbuo I hmuangv yietc zungv zoux orqv nyei sic nzengc, Ziux Ziouv mangc, Omli nyei dorn, Aa^hapc, zoux waaic sic gauh camv zinh ndaangc wuov deix yietc zungv hungh (1 Hungh Douh 16:29-33). I^saa^laa^en Mienh guangc Ziouv mingh zaangc zienh, mv baac Ziouv maiv leih nqoi I^saa^laa^en Mienh, Ninh corc hnamv I^saa^laa^en Mienh (6 yiemc), hnangv naaic oix I^saa^laa^en guoqv corc maaih nor wuov deix yietc zungv zaangc Mbaa^an zienh oix zuqc mietc nzengc. Naaiv deix yietc zungv sic douc waac mienh I^li^yaa zungv gorngv ndaangc (1 Hungh Douh 21:21-24), mv baac Aa^hapc hungh caux hungh maac Ye^se^mben maiv goiv hnyouv, corc aengx zoux jienv mingh yaac aengx zoix hoic Ziouv nyei douc waac mienh (7 yiemc). Taux ziangh hoc, Ziouv zorqv baengh fim nyei jauv jiu bun Ye^hu, longc Ye^hu mietc Aa^hapc hungh caux hungh maac Ye^se^mben, weic zuqc ninh mbuo nduov Ziouv nyei baeqc fingx mingh zaangc zienh, liemh dongh mingh gan jienv zaangc zienh nyei mienh maiv gunv zoux nouh fai bungx nqoi nyei mienh yaac zuqc Ziouv dingc zuiz nzengc (9 yiemc).

Ziouv zoux nyei nyungc-nyungc maaih dingc daaih nyei ziangh hoc. Maaih camv nzunc mbuo buatc maaih mienh waaic mienh camv gau zoux doqc kuv mienh, ninh mbuo zoux waaic gau ndongc naaic mv baac corc duqv ziangh mingh daaih, aengx maaih kuv mienh zuqc zoux doqc, zuqc hoic, maaih deix zungv zuqc daic daic, wuov zanc mbuo hnamv daaih baengh fim nyei jauv maiv maaih qaqv aqv. Mv baac Ziouv Ninh maiv la’kuqv yietc deix, se gorngv mbuo maiv ging hnyouv mbungh jienv caux goiv hnyouv, zanc-zanc mingh zoux eix waaic nyei jauv nor, Ninh nyei ziangh hoc taux, baengh fim nyei jauv ziouc cuotv yaac maih qaqv, wuov zanc meih ziouc maiv maaih qiangx miaqv.

Se gorngv meih sienx gorngv maaih hnoi Ziouv oix bun baengh fim nyei leiz cuotv, meih ziouc mangc gaax meih nyei maengc hnangv haaix nor caux Ziouv caux gorx-youz doic?

O Ziouv aac, tov Ziouv bun yie zanc-zanc hoqc hiuv Ziouv nyei waac weic bun yie gauh hiuv Ziouv caux sienx wuonv Ziouv, hnangv naaic bun yie maiv naamx hnyouv yiem dongh yie buangh zuqc nyei nyungc-nyungc yiem yie nyei maengc.

Longc buo hnyangx doqc Ging-sou: Lewi 10 zaang

Xin vui lòng chuyển bài học Kinh Thánh để nhiều người cùng học.

Bài học Kinh Thánh này do Văn Phẩm Nguồn Sống biên soạn. Xin cầu nguyện cho Văn Phẩm Nguồn Sống. Nếu có thể được, xin vui lòng dâng hiến cho Văn Phẩm Nguồn Sống tại http://www.vpns.org

Thư Viện Tin Lành
www.thuvientinlanh.org

©2012-2019 by Thư Viện Tin Lành

Scroll to top