Thư Viện Tin Lành: Trang Nhà » Sống Với Thánh Kinh » Ziangh Ei Ging-sou: 09/05/2019

Ziangh Ei Ging-sou: 09/05/2019


Ziangh Ei Ging-sou: 09/05/2019

Gorngv Seix Zaangc 3:12-15
Cong-Mengh Nyei Maengc: Njien-Youh Yiem Ziouv

“Baamh mienh ziangh seix zaangc, maiv maaih haaix nyungc gauh longx ninh a’hneiv zoux longx ziux ninh zoux duqv taux nyei.” (Gorngv Seix Zaangc 3:12)

Waac naaic bun meih hnamv: Zieqv duqv Ziouv Tin-Hungh se longx nyei Ziouv caux Ninh zoux nyei gong, Saa^lo^morn Hungh kuinx mbuo oix zuqc hnangv haaix nor ziangh? Naaiv deix yietc zungv kuinx nyei waac meih buatc hnangv fai maiv hnangv meih ih zanc meih ziangh nyei maengc?

Ziouv Tin-Hungh se longx nyei Ziouv hnangv naaic Ninh ceix haaix nyungc bun mbuo nyei se longx nzengc, wuov nyungc weic haaix diuc mbuo maiv zipv ninh (12a yiemc). Baamh mienh maiv haih goiv yienc dongh jiex daaih nyei sic, caux yaac maiv hiuv nqa’haav laai nyei sic, hnangv naaic maaih cong-mengh nyei mienh zanc-zanc maaih njien-youh caux Ziouv yiem ninh nyei maengc norm-norm ziangh hoc. Maiv dungx guangc yietc zungv njien-youh nyei jauv caux hmuangv doic, jiu-baang, fai yiem gong nyei njien-youh, gunv njien-youh yiem duqv dingh yietc camx gong nyei ziangh hoc…

Maaih cong-mengh nyei mienh yaac maiv douh ganh duqv longx (faan zaqc gorngv jaen) mv baac se “ziux ninh zoux duqv taux nyei” (12b yiemc). Naaic se yietc nyungc za’eix longx haic yiem ninh nyei maengc. Maaih haaix nyungc njien-youh caux orn-lorqc gauh camv tengx laanh mienh hiuv sienx kaaux Ziouv, aqv fai tengx yietc laanh mienh jiex duqv mingh dongh ninh buangh zuqc nyei zeqc naanc fai youh nzauh yiem ninh nyei maengc, aqv tengx zorc longx ninh mbuo hnyouv mun nyei jauv.

Maiv gunv hnangv naaic, maiv dungx la’kuqv dongh mbuo maaih nyei nyungc-nyungc, njien-youh nyei jauv se Ziouv Tin-Hungh bun daaih (13 yiemc). Hiuv duqv hnangv naaic, maiv zeiz kungx hiuv duqv Ziouv nyei en-zingh corc aengx tengx mbuo maaih cong-mengh goux longx dongh Ziouv ceix bun nyei: Ziangh maengc, ziangh hoc, za’eix, zinh nyaanh, qaqv, hmuangv doic… caux lorz mouz norm qiangx buoqc zaangc Ziouv, fu-sux Ziouv, caux ziangh seix maaih laanh hnamv laanh.

Mbuo se Ninh zeix daaih, mbuo nyei buonc se oix zuqc gamh nziex caux baaix zaangc Ninh dongh zeix mbuo wuov Dauh (14 yiemc). Tin-Hungh Ninh zeix mbuo daaih weic oix mbuo ceng Ninh caux naaic se Ninh nyei oix, oix biux mengh bun mbuo yiem Ninh zeix nyungc-nyungc caux Ninh nyei waac. Mbuo oix zuqc gamh nziex Ziouv weic zuqc nyungc-nyungc Ziouv zoux nyei corc yiem yietc liuz, liuz cingx daaih gorngv Ninh se dongh maaih hatc maaz yiem ih zanc caux yietc liuz. Aengx gauh camv jiex naaic, nyungc-nyungc Ninh zoux nyei dunh yunh nzengc, baamh mienh maiv haih tipv bieqc fai zorqv cuotv.

Yietc zei zieqv duqv Ziouv, mbuo yietc zei zieqv Ninh zoux nyei gong longx haic yiem mbuo nyei maengc weic zuqc yiem naaic deix gong maaih ziex nyungc yaauc haic bun mbuo, aengx caux ganh dauh, caux Ziouv Tin-Hungh. Hoqc hiuv Ziouv se yietc nyungc gong ndaauv jiex se oix zuqc yietc seix hoqc taux jomc. Caux liemh yiem naaiv nyungc za’eix se yaac Ziouv ceix bun, Ninh bun leiz hnangv naaic nor cuotv se cuotv liuz nyei aengx cuotv daaih ziang weic bun mienh haih hoqc hiuv yiem Ninh zoux nyei gong (15 yiemc).

Maaih cong-mengh nyei mienh njien-youh yiem Ziouv, gamh mziex Ziouv, hoqc hiuv Ziouv, caux hoqc zoux kuv sic yietc liuz. Meh qiemx zuqc goiv yienc haaix nyungc bun meih nyei maengc gauh maaih njien-youh caux baengh orn nyei fai?

Tov njaaux yie mbuo saauv ganh nyei hnoi-nyieqc, weic bun yie mbuo haih maaih cong-mengh… (Singx Nzung 90:12).

Longc buo hnyangx doqc Ging-sou: Lewi 1 zaang

Xin vui lòng chuyển bài học Kinh Thánh để nhiều người cùng học.

Bài học Kinh Thánh này do Văn Phẩm Nguồn Sống biên soạn. Xin cầu nguyện cho Văn Phẩm Nguồn Sống. Nếu có thể được, xin vui lòng dâng hiến cho Văn Phẩm Nguồn Sống tại http://www.vpns.org

Thư Viện Tin Lành
www.thuvientinlanh.org

©2012-2019 by Thư Viện Tin Lành

Scroll to top