Ziangh Ei Ging-sou: 29/04/2019

Waac naaic bun meih hnamv: Mben caux Ne^mbo se haaix dauh caux weic haaix diuc duqv tor yiem saeng-kuv nyei diqc daanz? Ziouv aengx hnangv haaix nor biux mengh Ninh ganh? Meih haih gorngv taux Ziouv nyei hnamv caux Ziouv hnangv haaix nor goux meih nyei fai? 

   Maaih yietc dauh mienh ei jan-zei waac heuc (nhà văn nổi tiếng) nyei mienh jatv jienv gorngv, za’gengh haiz orn lorqc haic dongh duqv caux yietc dauh zaah loz-hnoi ga’naaiv nyei mienh (nhà khảo cổ), weic zuqc ninh gorngv yietc zei gox yietc zei duqv ninh nyei nqox gauh hnamv ninh. Yiem naaiv lungh ndiev maaih norm baav guoqv gengh taaih yaac guaax hnyouv taux mienh gox haic, mv baac yaac maaih camv dorngx nyei mienh maiv maaih taux naaiv deix jauv. Ih hnoi mbuo hoqc nyei se gauh camv gorngv taux mbuox mbuo oix zuqc jangx taux domh mienh nyei en-zingh yungz mbuo daaih aengx dorh mbuo hlo (3, 4yiemc). Maiv gunv mbuo nyei seix hnangv haaix nor, duqv mienh hnamv, duqv orn lorqc, buangh youh nzaauh, doh naanc, zuqc mienh zoux doqc, zuqc mienh mangc faix…, mv baac oix zuqc jangx jienv se maaih mbuo nyei dae maa yungz daaih, meih cingx daaih maaih maengc yiem naaiv baamh gen. Aengx gauh camv jiex naaic se Ziouv nyei hnamv zeix mbuo yiem maa nyei ga’sie. Yiem naaiv norm qangx tov meih hnamv mangc gaax taux Ziouv nyei hnamv goux mbuo, baav jienv mbuo jiex daaih ziex hlaax ziex hnyangx ndaauv. Liuz tov meih fungz en-zingh bun Ninh.

   Mben caux Ne^mbo se i dauh Mba^mbi^lon mienh zaangc nyei miuc-fangx. Mv baac dongh Besie guoqv daaih mborqv ninh mbuo, naaiv deix i dauh miuc-fangx maiv haih tengx duqv ninh mbuo. Ziouv heuc naaiv norm Besie guoqv zoux dong bung “nyei domh jaangv” se yietc nyungc norqc lorz ga’naaiv nyanc henv jiex (11 yiemc). Dongh win-wangv mborqv bieqc deic-bung wuov zanc, naaiv deix zienh zungv ganh maiv haih biaux, corc aengx zuqc mienh zorqv dapv bieqc mbuoqc bun lorh tor biaux. Naaiv deix zienh maiv doix mbuo nyei Ziouv, mbuo nyei Ziouv corc goux duqv mbuo, beu jienv mbuo. Yiem naaiv lungh ndiev Ninh nyei naamh nyouz douh zong, bun hiuv maiv maaih ganh dauh zienh haih beiv duqv I^saa^laa^en mienh nyei Ziouv (5 yiemc). Weic zuqc yiem Mba^mbi^lon nyei zienh maiv haih dongz, maiv haih ganh yangh jauv, maiv maaih qaqv, maiv haih njoux Mba^mbi^lon mienh biaux ndutv Besie guoqv nyei buoz ndiev (7 yiemc). 

   Ziouv caux Ninh nyei baeqc fingx gengh longx haic. Wuov nyungc meih niv? Meih nyei maengc caux Ziouv hnangv haaix nor? Tov meih hnamv mangc taux Ziouv nyei hnamv yietc liuz maiv goiv yienc bun meih jiex daaih, liuz tov meih daux gaux fungz waac laengz zingh Ziouv, biux mengh meih nyei hnamv bun Ziouv maiv gunv buangh longx fai kouv yiem meih nyei maengc.

   O Ziouv aac, yiem nyungc-nyungc gong maiv gunv faix fai hlo, yie fungx bun Ziouv tengx yie beu goux jienv yie. Tov Ziouv bun yie haih zunh meih hnamv bun ganh dauh duqv hiuv, bun ninh mbuo maiv zuqc nzaauh weic zuqc ninh mbuo yaac maaih dauh Ziouv tengx ninh mbuo.

Longc buo hnyangx doqc Ging-sou: Matv^taai 23 zaang.

Xin vui lòng chuyển bài học Kinh Thánh để nhiều người cùng học.

Bài học Kinh Thánh này do Văn Phẩm Nguồn Sống biên soạn. Xin cầu nguyện cho Văn Phẩm Nguồn Sống. Nếu có thể được, xin vui lòng dâng hiến cho Văn Phẩm Nguồn Sống tại http://www.vpns.org

Thư Viện Tin Lành
www.thuvientinlanh.org