Ziangh Ei Ging-sou: 02/04/2019

Ziangh Ei Ging-sou: 02/04/2019

Yo^han 18:28-40
Yietc Zungv Aengv Cuotv Nyei Jauv

“Da’nyeic ndorm nziouv nyei, zoux hlo nyei Yiutai Mienh dorh Yesu cuotv Kaa^yaa^faatv nyei biauv aengx fungx mingh Lomaa Zungx nyei dinc. Wuov deix Yiutai Mienh nziex haih maaih uix ziouc maiv bieqc dinc gu’nyuoz, weic bun ninh mbuo haih duqv nyanc Siex Maengc Zipv nyei hnaangx.” (Yo^han 18:28).

Waac naaic bun meih hnamv: Yiem naaiv douc ging-sou bun mbuo buatc yietc zungv ngaengc leiz yiem wuov deix mienh zorqv Yesu caux Bilaatv? Yiem ninh mbuo zoux nyei tengx meih hnamv cuotv haaix nyungc daaih longc?

Dongh Yesu zuqc zorqv liuz, Ninh zuqc dorh mingh Annaatv yiem ndaamv muonz zanc, liuz aengx dorh mingh Kaa^yaa^faatv nyei biauv, cingx daaih dorh mingh Bilaatv yiem lungh ndorm nziouv nyei. Yiem Ging-sou gorngv nyei yiem naaiv maaih yietc nyungc aengv bun mbuo buatc yiem ninh mbuo longc maiv maaih baengh fim nyei leiz mbenc Yesu nyei sic se. Da’yietv, yietc zungv zorqv Yesu nyei mienh maiv bieqc zungx nyei dinc weic zuqc gamh nziex ninh mbuo maaih uix maiv duqv nyanc Siex Maengc Zipv nyei hnaangx (28 yiemc), mv baac yiem ninh mbuo nyei hnyouv maaih yietc zungv hnamv waaic gorngv baeqc nyei jauv ninh mbuo zungv maiv gamh nziex. Da’nyeic, ei Lomaa bun nyei leiz Yiu^taai maiv duqv hungh lingc daix mienh, hnangv naaic ninh mbuo oix beic ndiev daix Yesu, ninh mbuo longc za’eix nduov Bilaatv longc Lomaa nyei lingc daix Yesu. Zien-zien nyei nor, se gorngv haaix dauh horpc zuqc daix daic nor ei Mose nyei leiz-latc, ninh mbuo zungv zorqv la’bieiv zong wuov laanh taux daic (Lewi 24:16), naaiv ninh mbuo beic ndiev longc Lomaa nyei lingc ding Yesu, ninh mbuo laic duqv ninh mbuo hingh, mv baac maiv hiuv duqv gorngv ninh mbuo zoux nyei yietc zungv cuotv daaih doix diuc nzengc Yesu gorngv ndaangc nyei waac Ninh oix zuqc mienh zorqv Ninh liepc faaux hlang (32 yiemc; ei mbuo beiv yiem Yo^han 3:14, 12:32). Da’fam, Bilaatv zuqc buangh caux wuov dauh gorngv “Yie se dongh zien leiz” (Yo^han 14:6) mv baac weic zuiz zoux bun Bilaatv nyei hnyouv nyei m’zing mbuov mingh zoux bun ninh maiv buatc zien leiz, hnangv naaic ninh cingx daaih naaic zien leiz se haaix nyungc? Da’feix, yietc zungv zorqv Yesu nyei mienh zoux bun Bilaatv hnamv kouv, tov maiv dungx naaiv dauh Yesu, bungx zaqc baeng Mbaa^lapv^mbatc hnangv; tov bungx zoux orqv nyei mienh, aengx tov zorqv zoux horpc nyei mienh ding ziepc nzaangc jaax.

Maiv gunv Yesu nyei mouz deic njiec baamh gen se weic baamh mienh nyei zuiz, mv baac jiex naaiv deix yietc zungv ngaengc leiz nyei jauv, mbuo buatc baamh mienh nyei zuiz gengh gamh nziev haic. Weic beic ndiev zoux ninh mbuo hmuangx haic nyei sic, baamh mienh mbenc ziangx hnyouv maiv gunv dorngc leiz, buatc jienv maiv horpc hnyouv, maiv gunv zoux dorngc haaix go, fanh zoux duqv ninh mbuo hmuangx haic nyei sic sung nor duqv aqv, maiv gunv taux aqv. Yietc zungv wuov deix ngaengc leiz nyei jauv corc maaih mbuo nyei maengc caux yiem Ziouv nye jiu-baang nyei fai? Tov lomh nzoih fei-fangv caux zaah mangc gaax mbuo ganh yiem naaiv hnyangx Yesu siouc kouv caux aengx nangh daaih nyei zipv oc.

O Ziouv Yesu aac, meih zuqc siouc kouv se weic yie nyei zuiz. Tov Ziouv Yesu tengx yie zaah mangc gaax yie ganh nyei maengc yiem Yesu siouc kouv nyei naaiv hnyangx goiv hnyouv caux Ziouv oc, weic bun yie bieqc Yesu aengx nangh daaih nyei zipv duqv zipv Ziouv nyei fuqv.

Longc buo hnyangx doqc Ging-sou: Cuotv I^yipv 39 zaang.

Xin vui lòng chuyển bài học Kinh Thánh để nhiều người cùng học.

Bài học Kinh Thánh này do Văn Phẩm Nguồn Sống biên soạn. Xin cầu nguyện cho Văn Phẩm Nguồn Sống. Nếu có thể được, xin vui lòng dâng hiến cho Văn Phẩm Nguồn Sống tại http://www.vpns.org

Thư Viện Tin Lành
www.thuvientinlanh.org