Thư Viện Tin Lành: Trang Nhà » Sống Với Thánh Kinh » Ziangh Ei Ging-sou: 18/03/2019

Ziangh Ei Ging-sou: 18/03/2019


Ziangh Ei Ging-sou: 18/03/2019

2 Hungh Douh 6:18-23
Hingh Jiex Nyungc-Nyungc Yiem Daux Gaux Nyei Jauv

“Oix zuqc tov ziouc duqv, oix zuqc lorz ziouc buatc, oix zuqc ngaengv gaengh, gaengh ziouc nqoi. Weic zuqc haaix dauh tov ziouc duqv, haaix dauh lorz ziouc buatc. Haaix dauh ngaengv gaengh, gaengh ziouc nqoi.” (Matv^taai 7:7-8).

Waac naaic bun meih hnamv: Tin-Hungh nyei souc waac mienh E^li^saa daux gaux i nzunc bun mbuo buatc ninh longc haaix nyungc za’eix caux wuov Silie hungh nyei baeng mborqv jaax? Weic haaix diuc E^li^saa maiv bun I^saa^laa^en hungh daix guaatv duqv daaih nyei baeng? E^li^saa hnangv naaic zoux buatc cuotv haaix nyungc biouv? Meih dorh naaiv zaang hoqc nyei jauv mingh longc yiem meih nyei maengc duqv nyei fai?

Dongh E^li^saa daux gaux tov Ziouv bun ninh nyei bou nyei m’zing nqoi daaih mangc buatc maaih douz nyei maaz-cie caux maaz, yiem wuov mbong weih gormx goux ninh mbuo liuz Silie hungh nyei baeng ziouc daaih gauh fatv ninh mbuo. E^li^saa aengx daux gaux aengx nzunc tov Ziouv bun naaiv deix Silie nyei baeng nyei m’zing mbuov mingh. Ziouv ei E^li^saa tov nyei waac bun ninh mbuo nyei m’zing mbuov nzengc. Liuz E^li^saa dorh naaic deix m’zing mbuov nyei baeng mingh taux Saa^maa^lie zingh se I^saa^laa^en mienh nyei domh zuangx zingh. Taux naaic E^li^saa aengx daux gaux yietc nzunc tov Ziouv koi nqoi wuov deix m’zing mbuov nyei mienh, Ziouv aengx dau ninh waac bun wuov deix baeng aengx mangc duqv buatc jauv. Wuov deix m’zing mbuov nyei baeng gengh gamh nziex haic weic zuqc ninh mbuo benx zuqc caangv mingh nyei mienh yiem Saa^maa^lie zingh gu’nyuoz. Tin-Hungh nyei douc waac mienh E^li^saa maiv bun I^saa^laa^en hungh daix naaiv deix baeng, heuc I^saa^laa^en hungh oix zuqc weic naaiv deix mienh mbenc hnaangx bun ninh mbuo nyanc yaac bun wuom ninh mbuo hopv aengx bungx ninh mbuo nzuonx ninh mbuo ganh nyei ziouv wuov. hnamv daaih yiem mingh Silie hungh buatc I^saa^laa^en mienh Tin-Hungh maaih qaqv goux jienv Ninh nyei baeqc fingx hnangv naaic ninh mbuo ziouc maiv daaih I^saa^laa^en deic-bung caangv ga’naaiv aqv.

I^saa^laa^en hungh diex oix hingh jiex ninh nyei win-wangv ninh longc daix mienh nyei za’eix, mv baac douc waac mienh E^li^saa hingh jiex ninh nyei win-wangv yiem hnyouv hnamv mienh caux daux gaux nyei jauv. Se gorngv daix liuz naaic deix caangv daaih nyei baeng mienh nor, hnamv daaih I norm guoqv mborqv jaax nyei jauv gauh cuotv camv, mv baac bun naaic deix mienh nzuonx se benx taaih baengh nyei sic cuotv daaih. Ziouv Tin-Hungh se dongh goux duqv Ninh nyei baeqc fingx wuov dauh, Ninh yaac oix muangx mbuo daux gaux tov Ninh nyei waac caux Ninh yaac oix dau longc ziepc zuoqv hnyouv daux gaux hnamv Ninh nyei mienh nyei waac. Ziouv Yesu yiem mbong njaaux gorngv: “Oix zuqc tov ziouc duqv, oix zuqc lorz ziouc buatc, oix zuqc ngaengv gaengh, gaengh ziouc nqoi. Weic zuqc haaix dauh tov ziouc duqv, haaix dauh lorz ziouc buatc. Haaix dauh ngaengv gaengh, gaengh ziouc nqoi” (Matv^taai 7:7-8). Aengx jiex mingh Ninh aengx njaaux gorngv, dongh zipv duqv Zouv dau nyei daux gaux liuz oix zuqc ziangh ei Ziouv bun nyei leiz-latc: “Meih mbuo oix mienh hnangv haaix nor zoux bun meih mbuo, meih mbuo yaac oix zuqc hnangv wuov nor zoux bun mienh. Mose nyei Leiz caux Douc Waac Mienh njaaux nyei waac, nzutv zunv gorngv se dongh naaiv aqv” (Matv^taai 7:12). Mbuo dauh dauh zungv maaih win-wangv oix hoic mbuo nyei, mv baac se gorngv mbuo caux ninh mbuo longc ganh nyei hnyouv doix dekc nor mbuo ziouc hungh hec maaih laanh daix laanh nyei jauv cuotv. Liuz se gorngv mbuo longc daux gaux nyei waac, zoux hnyouv ndaauv bun win-wangv nor ziouc dorh duqv win-wangv taaih baengh caux mbuo.

Meih maaih haaix dauh caux meih maiv horpc nyei fai? Meih oix longc waaic nyei za’eix zoux bun ninh fai, aqv fai longc hnyouv ndaauv nyei zoux sic bun ninh?

O Ziouv aac, tov Ziouv bun yie maiv longc ganh nyei hnyouv bun paaiv nyungc-nyungc buangh nyei jauv, mv baac daux nzuonx longc daux gaux nyei waac fungx bun Ziouv tengx mbenc, yaac bun yie sienx gorngv Ziouv zungv oix dau yie daux gaux nyei waac yaac aengx tengx yie mbenc naaiv deix kouv nyei jauv ei meih nyei eix.

Longc buo hnyangx doqc Ging-sou: Cuotv I^yipv 24 zaang.

Xin vui lòng chuyển bài học Kinh Thánh để nhiều người cùng học.

Bài học Kinh Thánh này do Văn Phẩm Nguồn Sống biên soạn. Xin cầu nguyện cho Văn Phẩm Nguồn Sống. Nếu có thể được, xin vui lòng dâng hiến cho Văn Phẩm Nguồn Sống tại http://www.vpns.org

Thư Viện Tin Lành
www.thuvientinlanh.org

©2012-2019 by Thư Viện Tin Lành

Scroll to top