Thư Viện Tin Lành: Trang Nhà » Sống Với Thánh Kinh » Ziangh Ei Ging-sou: 26/02/2019

Ziangh Ei Ging-sou: 26/02/2019


Ziangh Ei Ging-sou: 26/02/2019

Lugaa 20:1-8
Laengz Fungx Nzengc Maengc

“Sai mienh bieiv caux njaaux leiz nyei fin-saeng caux mienh gox daaih gorngv, “Mbuox yie mbuo oc. Meih maaih haaix nyungc leiz zoux naaiv deix sic? Naaiv nyungc leiz haaix dauh bun meih?” (Lugaa 20:1-2).

Waac naaic bun meih hnamv: Weic haaix diuc sai mienh bieiv mbuo naaic Ziouv Yesu maaih haaix nyungc leiz zoux naaiv deix sic? Ziouv Yesu hnangv haaix nor dau? Meih hoqc hiuv duqv haaix nyungc yiem naaiv zaang Ziouv Yesu fongc horc maengc nyei jauv?

Maaih leiz nyei eix leiz se duqv leiz zoux yietc nyungc gong. Sai mienh mienh bieiv bieqc hnyouv ninh mbuo maaih leiz yiem Mose njiec daaih, caux Tin-Hungh lengc jeiv ginv Lewi fingx yiem zaangc Tin-Hungh nyei biauv cing-nzengc nyei qongx. Yietc zungv njaaux leiz nyei fin-saeng se duqv zipv yiem ninh mbuo nyei domh fin-saeng njiec daaih. Yietc zungv I^saa^laa^en mienh gox se dongh wuov deix mouz fingx nyei bieiv. Naaiv deix yietc zungv mienh hiuv duqv ninh mbuo maaih lingc hnangv naaic ninh mbuo ziouc bungx daamv nyei naaic Ziouv Yesu haaix dauh bun Ninh maaih leiz zoux naaiv deix sic.

Naaic deix yietc zungv mienh nzorng Yesu zoux nyei sic caux njaaux nyei jauv zoux bun ninh mbuo gengh oix lorz qangx daix Yesu haic aqv, hnangv naaic ninh mbuo cingx daaih hnangv naaic nor naaic Ziouv Yesu. Ninh mbuo hnamv nduov Ziouv Yesu gorngv dorngc waac. Se gorngv Ziouv Yesu gorngv Ninh maiv maaih haaix nyungc leiz, ninh mbuo ziouc dingc zuiz gorngv Ziouv Yesu zoux ninh mbuo nyei leiz caux zoux hnangv yietc dauh douc waac mienh. Se gorngv, gorngv maaih leiz yiem lungh njiec daaih, Ninh ziouc zuqc Lomaa baeng zorqv aqv. Lomaa mienh haaix zanc yaac mbungh jienv dongh haaix dauh ganh nyiemc gorngv ninh se Me^si^yaa wuov dauh, longc jienv se taux siex maengc zipv (mangc yiem Gong-Zoh 5:34-39, 21:37-39). Ziouv Yesu div maiv bun hlopv zuqc ninh mbuo nyei koux, Yesu naaic ninh mbuo haaix dauh bun leiz Yo^han tengx mienh jiex wuom nyei leiz. Dongh ninh mbuo maiv haih dauh Yesu naaic nyei waac, Ziouv Yesu yaac maiv dau bun ninh mbuo hiuv haaix dauh bun leiz Ninh zoux naaiv deix sic. Aengx yietc nzunc, Ziouv Yesu biux mengh hungx jienv ziepc nzaangc jaax mingh se oix zuqc za’gengh longc qaqv nyei maiv zeiz maiv longc qaqv. Ninh ngaengc jienv, zoux bun mienh hnamv maiv cuotv, zoux bun doix dekc caux Ninh wuov deix mienh nyei hnyouv maiv maaih waac dau.

Bieqc naaiv deix ziangh hoc, Ziouv Yesu hiuv duqv Ninh zoux nyei gong zuqc haeqv maaih lingc nyei wuov deix mienh. Maiv gunv hnangv naaic, naaic deix jauv yaac maiv zoux bun Yesu dingh maiv muangx Tin-Hungh nyei waac: Njaaux mienh caux gorngv cuotv kuv fienx, maiv gunv zuqc mienh doix dekc camv jienv faux Ninh yaac oix zuqc zoux taux ziangx. Yiem naaic deix jorm haic nyei ziangh hoc, Ziouv Yesu corc goux jienv laengz fongc horc nyei maengx taux ziepc nzaangc jaax nyei gong ziangx.

Njoux Ziouv Yesu se zoux yietc norm mbuoqc horngh nyei nyungc zeiv yiem siev maengc nyei jauv, maiv gunv kouv ndongc haaix fai zuqc guangc maengc. Ninh yaac dongh ceix en weic tengx mbuo yangh mingh nyei jauv, maiv gunv kouv hnangv haaix oix zuqc bungx hnyouv Ninh. Gunv bungx hnyouv fongc horc maengc bun Ziouv weic zuqc Ninh hingh jiex baamh gen mi’aqv.

Meih za’gengh laengz fongc horc maengc bun mi’aqv fai?

O Ziouv aac, laengz zingh Ziouv bun yie duqv buatc hnangv haaix nor se fongc horc maengc fai siev maengc, yie tov meih bun maaih naaiv nyungc hnyouv oc.

Longc buo hnyangx doqc Ging-sou: Cuotv I^yipv 4 zaang.

Xin vui lòng chuyển bài học Kinh Thánh để nhiều người cùng học.

Bài học Kinh Thánh này do Văn Phẩm Nguồn Sống biên soạn. Xin cầu nguyện cho Văn Phẩm Nguồn Sống. Nếu có thể được, xin vui lòng dâng hiến cho Văn Phẩm Nguồn Sống tại http://www.vpns.org

Thư Viện Tin Lành
www.thuvientinlanh.org

©2012-2019 by Thư Viện Tin Lành

Scroll to top