Thư Viện Tin Lành: Trang Nhà » Sống Với Thánh Kinh » Ziangh Ei Ging-sou: 22/01/2019

Ziangh Ei Ging-sou: 22/01/2019


Ziangh Ei Ging-sou: 22/01/2019

2 Ti^mo^taai 2:1-2
Zunh Jiex Biei Doic Mienh

“Meih haiz yie dorng jienv zorng-zengx mienh camv nyei nza’hmien njaaux wuov deix waac, meih oix zuqc jiu bun ziepc zuoqv nyei mienh, dongh maaih banh zeic njaaux mienh wuov deix.” (2 Ti^mo^taai 2:2).

Waac naaic bun meih hnamv: Gong-zoh Baulo heuc Ti^mo^taai oix zuqc hnangv haaix nor zoux bun ganh henv jiex daaih? Ei da’nyeic yiemc, maaih bu’ziex doic mienh duqv zunh daaih njiec daaih? Hnangv haaix nor cingx daaih heuc zoux ziepc zuoqv nyei mienh? Meih hnamv daaih meih oix zunh Ziouv nyei en bun haaix dauh?

“Yie nyei dorn aac” naaiv joux waac se jiex gorn da’nyeic zaang, bun mbuo buatc se dongh nyungc-nyungc ninh aqv laamh fiev nyei paanx taux ndangc fiev nyei buonc. Yietc dauh zoux lingh wuonh dae nyei hnyouv, jiex daaih da’yietv zaang nyei fienx, gong-zoh Baulo duqv longc nzengc hnyouv nyei mbuox nzengc nyung-nyungc dongh qiemx zuqc yiem fu-sux Ziouv nyei jauv bun taux ninh hnamv haic nyei dorn se Ti^mo^taai. Ninh kuinx ninh nyei lingh wuonh dorn oix zuqc jangx jienv Ziouv nyei en daaih weic ziangh fu-sux Ziouv; maiv dungx nyaiv weic tengx Ziouv Yesu zoux zorng-zengx, caux oix zuqc bungx hnyouv goux longx ziepc zuoqv nyei hnyouv caux Ninh. Ninh aengx gorngv: “Yie nyei dorn aac, meih oix zuqc kaux Giduc Yesu ceix bun nyei en henv jiez daaih.” Baamh mienh nyei qaqv fu-sux se maiv zeiz hiuv, fai duqv sou-zeiv benx fin-saeng nyei mienh aqv fai ganh nyei qaqv, se oix zuqc kaux Ziouv Yesu Giduc nyei en. Se gorngv mbuo ziangh yiem Ziouv nyei en, mbuo ziouc duqv tipv fu-sux nyei qaqv weic maiv nyaiv daaih fu-sux Ninh yiem buangh nyei nyungc-nyungc kouv.

Gong-zoh Baulo hiuv duqv ninh aqv lamh nzuonx caux Ziouv, yaac maiv hiuv duqv haaix zanc Ziouv daaih, Ti^mo^taai yaac fih hnangv nyei zuqc nzuonx caux Ziouv. Hnangv naaic Baulo mbuox Ti^mo^taai oix zuqc maaih buonc jiu bun ganh dauh dongh ninh duqv haiz duqv hoqc jiex daaih nyei bun maaih nzipc baan. Yiem da’nyeic wuov yiemc mbuo buatc maaih biei doic mienh duqv gorngv taux: Jiex gorn se gong-zoh Baulo zunh bun da’nyeic doic se Ti^mo^taai, Baulo aengx jaa waac Ti^mo^taai oix zuqc zunh bun da’fam doic mienh se dongh maaih ziepc zuoqv nyei mienh, caux naaiv deix mienh aengx oix zuqc zunh bun da’feix doic mienh. Se gorngv Ziouv longc haaix laanh mienh zoux gong, wuov laanh mienh maiv zeiz kungx zipv Ziouv nyei en bun ganh hnangv, mv baac oix zuqc maaih buonc zunh bun njiec nqang doic nyei mienh, longc jienv se zunh bun maaih ziepc zuoqv nyei mienh, se dongh bungx duqv hnyouv nyei mienh, maiv nyaiv weic kuv fienx nyei mienh caux maiv hlungh hluotv dongh buangh zuqc kouv nyei mienh.

Mbuo mouz laanh mienh se goux jienv Ziouv nyei en hnangv, maiv duqv zipv biaa waanc zinh fai duqv zipv I waanc zinh, mbuo oix zuqc ziepc zuoqv nyei kaux Ziouv nyei en weic goux longx caux mingh zoux saeng-eix zornc bun Ziouv, liuz aengx jaa njiec buonv Ziouv nyei en jiu bun njiec nqang doic mienh weic bun Ziouv nyei guoqv hiaangx faux maiv dingh.

Jiex daaih ndangc nyei 100 hnyangx, maaih camv dauh mienh zuqc guangc maengc weic kuv fienx nyei jauv yiem mbuo jan-zei deic. Naaiv deix yietc zungv ziepc zuoqv nyei mienh duqv zunh njiec yiem naaiv doic mingh wuov doic weic bun mbuo duqv nzipc ih zanc nyei lingh wuonh maengc. Hiuv duqv naaiv deix jauv, meih buatc meih nyei buonc gong se haaix nyungc?

O Ziouv aac, laengz zingh Ziouv bun en yie duqv fu-sux meih. Tov bun yie kaux meih nyei en henv jiex daaih caux buatc yiem yie nyei maengc maaih buonc zunh bun yie mbuo nyei dorn-jueiv fun-faqv, caux aengx zunh njiec nqang nzipc jienv mingh.

Longc buo hnyangx doqc Ging-sou: Tin Deic Douh 24 zaang.

Xin vui lòng chuyển bài học Kinh Thánh để nhiều người cùng học.

Bài học Kinh Thánh này do Văn Phẩm Nguồn Sống biên soạn. Xin cầu nguyện cho Văn Phẩm Nguồn Sống. Nếu có thể được, xin vui lòng dâng hiến cho Văn Phẩm Nguồn Sống tại http://www.vpns.org

Thư Viện Tin Lành
www.thuvientinlanh.org

©2012-2019 by Thư Viện Tin Lành

Scroll to top