Thư Viện Tin Lành: Trang Nhà » Sống Với Thánh Kinh » Ziangh Ei Ging-sou: 21/01/2019

Ziangh Ei Ging-sou: 21/01/2019


Ziangh Ei Ging-sou: 21/01/2019

2 Ti^mo^taai 1:13-18
Goux Longx Ziepc Zuoqv Nyei Hnyouv

“Oix zuqc longc meih haiz yie njaaux jiex nyei zien waac zoux nyungc zeiv. Yaac oix zuqc kaux Giduc Yesu duqv daaih nyei sienx fim caux hnamv mienh nyei hnyouv ei jienv zoux.” (2 Ti^mo^taai 1:13).

Waac naaic bun meih hnamv: Yiem 13 wuov yiemc, Gong-zoh Baulo kuinx Ti^mo^taai oix zuqc kaux haaix dauh goux longx zien leiz? Weic haaix diuc? Dongh gong-zoh Baulo buangh zuqc kouv naanc nyei ziangh hoc, haaix deix mienh guangc ninh caux haaix deix mienh corc ziepc zuoqv caux ninh? Weic goux duqv longx ziepc zuoqv nyei hnyouv caux Ziouv, mbuo se Ziouv nyei mienh qiemx zuqc zoux haaix nyungc camv?

Maangc daaih Baulo zuqc buangh jiex dongh ninh maiv gengh sienx Yesu Giduc nyei ziangh hoc, ninh gengh jorm haic ei jienv zoux dongh ninh hoqc jiex daaih, yaac weic ninh jorm hnyouv ei jienv zoux ziouc hoic zuqc jiu-baang kouv haic yiem wuov deix ziangh hoqc, ninh jorm hnyouv goux longx ninh hiuv nyei zien leiz se oix zuqc baaix zaangc nduqc dauh Tin-Hungh hnangv, hnangv naaic ninh ziouc njiec buoz zoux doqc zoux hoic sienx Yesu Giduc nyei mienh weic ninh hnamv daaih gorngv haaix dauh sienx Yesu Giduc se ngaengc maiv muangx ninh nyei Tin-Hungh. Duqv Ziouv koi qoi ninh nyei m’zing liuz ninh ziouc liuz hnyouv nyei tanx naaiv deix jauv bun ninh nyei hoqc-saeng Ti^mo^taai muangx yiem 1 Ti^mo^taai 1:13 hnangv naaiv: “Maiv gunv zinh ndaangc yie ki ninh, zoux doqc gorngv doqc ninh, Tin-Hungh korv-lienh yie weic zuqc wuov zanc yie maiv gaengh sienx Giduc, yie ganh zoux nyei yie yaac maiv hiuv.” Hnangv naaic yiem da’nyeic zeiv fienx naaiv, Gong-zoh Baulo kuinx Ti^mo^taai oix goux longx dongh duqv hoqc daaih nyei yietc zungv zien leiz mv baac oix zuqc faix fim se longc sienx fim caux Ziouv Yesu nyei hnamv goux. Naaiv nyungc zien nyei sienx fim se Ti^mo^taai hoqc yiem Baulo njaux daaih, se ziangh yiem Ziouv nyei hnamv weic goux longx ziepc zuoqv nyei hnyouv caux Ninh. Ziouv Singx Lingh yiem hnyouv oix beu jienv nyungc-nyungc longx nyei jauv dongh Ti^mo^taai duqv zipv nyei zien-leiz.

Gongh-zoh Baulo mbuox Ti^mo^taai hnangv naaic liuz, Gongh-zoh Baulo aengx tanx taux kouv-zingh nyei waac bun Ti^mo^taai muangx, se gorngv taux ninh zuqc yiem loh hnangv haaix nor caux Esie saengv nyei mienh hnangv haaix nor guangc ninh, yiem naaic fienx maaih I dauh duqv gorngv mbuox cuotv se Fi^je^latv caux He^mo^ge^netv. Maiv gunv hnangv naaic, zuqc yiem loh hmuangx nyei dorngx mv baac maaih deix hleix njang ziux cuotv daaih. O^ne^si^fo^latv wuov biauv mienh maiv nyaiv fai gamh nziex weic Baulo zuqc wuonx loh nyei jauv, ninh mbuo za’gengh ziepc zuoqv nyei, nunz camv nzunc Baulo nyei hnyouv caux aengx jorm hnyouv nyei mingh Lomaa zingh zimh lorz yaac lorz taux buatc Baulo.

Weic goux longx ziepc zuoqv nyei hnyouv caux Ziouv, cuotv liuz sienx fim caux Ziouv nyei hnamv, Ziouv nyei naamh nyouz oix zuqc zieqv duqv fu-sux Ziouv nyei gong se benx a’hneiv nyei gong, maaih hnyouv dingc yiem nyungc-nyungc kouv nyei jauv, caux mangc mingh yiem setv mueiz nyei hnoi weic ziangh caux fu-sux Ziouv.

Maaih haaix nyungc buangh nyei jauv zoux bun meih nyei sienx fim maiv wuov fai? Meih hnangv haaix nor zoux weic goux duqv ziepc zuoqv nyei hnyouv caux Ziouv?

O Ziouv aac, laengz zingh Ziouv njoux yie cuotv daaih caux ceix bun yie maaih yietc liuz nyei maengc. Tov Ziouv bun yie zanc-zanc goux longx ziepc zuoqc nyei hnyouv caux Ziouv mingh taux setv mueiz maiv gunv buangh zuqc haaix nyungc kouv.

Longc buo hnyangx doqc Ging-sou: Tin Deic Douh 23 zaang.

Xin vui lòng chuyển bài học Kinh Thánh để nhiều người cùng học.

Bài học Kinh Thánh này do Văn Phẩm Nguồn Sống biên soạn. Xin cầu nguyện cho Văn Phẩm Nguồn Sống. Nếu có thể được, xin vui lòng dâng hiến cho Văn Phẩm Nguồn Sống tại http://www.vpns.org

Thư Viện Tin Lành
www.thuvientinlanh.org

©2012-2019 by Thư Viện Tin Lành

Scroll to top