Thư Viện Tin Lành: Trang Nhà » Sống Với Thánh Kinh » Ziangh Ei Ging-sou: 07/01/2019

Ziangh Ei Ging-sou: 07/01/2019


Ziangh Ei Ging-sou: 07/01/2019

1 Bide 2: 17
Ganh Norm Deic Bung Daaih Nyei Kaeqv Mienh Caux Dorh Jauv Nyei Mienh

“Jangx jienv oc. Yie yietc liuz caux meih mbuo yiem taux baamh gen nyei setv mueiz.” (Matv^taai 28:20b).

Waac naaic bun meih hnamv: Ei mbuo mangcMatv^taai 28:20b, buatc Ziouv laengz haaix nyungc waac caux mbuo? Ei 1 Bide 2:17, mbuo se Ziouv nyei naamh nyouz mbuo yiem seix zangc maanc sic oix zuqc hnangv haaix nor? Mbuo hnangv haaix nor biux mengh taaih Ziouv? Se gorngv taaih Ziouv se duqv haaix nyungc fuqv?

Yiem baamh gen ganh norm deic-bung daaih nyei kaeqv mienh maiv ndoqc, weic zuqc mbuo maaih Ziouv caux mingh (Matv^taai 28:20b). Ninh se benx dorh jauv nyei mienh, benx tengx mbuo nyei mienh. Ziouv nyei waac njaaux mbuo oix zuqc “Taaih Ziouv” naaiv se “jiex gorn nyei Cong-mengh” (Cong-mengh 9:10).

Taaih nyei jauv se maiv zeiz gamh nziex, mv baac se taaih caux muangx waac. Mbuo oix zuqc taaih Ziouv, weic zuqc Ninh se: mbuo nyei Zaangc Diex, se mbuo nyei Doic, Ninh yaac lungh ndiev maanc mienh nyei Ziouv, Ninh yiem hlang jiex wuov dauh, cing-nzengc jiex, maaih cong-mengh jiex. Mv baac mbuo nor se benx Ninh zeix daaih nyei mienh, maaih zuiz buangv nzengc, hngongx jiex. Hnangv naaic taaih Ziouv caux muangx Ziouv nye waac se horpc haic, maaih cong-mengh haic, caux zoux bun Ziouv a’hneiv.

Mbuo oix zuqc taaih Ziouv yiem mbuo gorngv nyei waac caux zoux nyei sic. Ziouv nyei naamh nyouz maiv dungx zorqv Ziouv nyei mbuox dorh mingh zoux a’nziauc. Ei-leiz se la’guaaih longc Ziouv nyei mbuox, aqv fai zorqv Ziouv nyei mbuox daaih ziangv haaix nyungc yiem buoqc zaangc nyei ziangh hoc yaac oix zuqc maaih taaih Ziouv. Oix zuqc jaangx jienv gorngv mbuo buoqc zaangc nyei ziangh hoc se mbuo yiem Ziouv nyei nza’hmien, Ninh maaih haangh daauh hlo haic, Ninh yaac zoux dorh jauv nyei mienh taux naaiv baamh gen nyei nyutc zeiv jiex. Yiem mbuo zoux nyei nyungc-nyungc sic oix zuqc maaih biux mengh taaih Ziouv, caux yiem mbuo hnoi-hnoi gorngv nyei waac. Naaiv se mbuo dingc hnyouv gan Ziouv, maiv gunv mienh buatc.

Taaih caux muangx Ziouv nyei waac se bun mbuo duqv zipv camv nyungc fuqv yiem naaiv baamh gen. Weic taaih Ziouv mbuo ziouc muangx Ninh nyei waac, mbuo zoux nyei nyungc-nyungc ziouc zoux duqv longx yaac dunh yunh (Yo^su^waa 1:8). Weic maaih hnyouv taaih Ziouv, mbuo ziouc haih yiem hnyouv hiuv duqv nyei hnamv caux Ziouv nyei domh qaqv (2 Zunh Doic Douh 5: 1-14).

Meih biux mengh hnangv haaix taaih Ziouv yiem meih gorngv nyei waac, zoux nyei sic caux longc jienv jiex dongh yiem buoqc zaangc Ziouv nyei ziangh hoc?

O Ziouv aac, tov Ziouv bun yie taaih Ziouv yiem gorngv nyei waac caux zoux nyei sic, yiem buoqc zaangc Ziouv nyei ziangh hoc. Tov Ziouv guangc yie zoux jiex daaih nyei zuiz dongh yie biux maiv maaih taaih Ziouv wuov. naaic se dongh yie……

Longc buo hnyangx doqc Ging-sou: Tin Deic Douh 9 zaang.

Xin vui lòng chuyển bài học Kinh Thánh để nhiều người cùng học.

Bài học Kinh Thánh này do Văn Phẩm Nguồn Sống biên soạn. Xin cầu nguyện cho Văn Phẩm Nguồn Sống. Nếu có thể được, xin vui lòng dâng hiến cho Văn Phẩm Nguồn Sống tại http://www.vpns.org

Thư Viện Tin Lành
www.thuvientinlanh.org

©2012-2019 by Thư Viện Tin Lành

Scroll to top